Anvet eo bet en-dro Isabelle Assih da vaerez Gemper d'ar Sul 29 a viz Meurzh pa oa bet dalc'het kuzul-kêr kentañ kêr benn Bro-Gerne. Ha cheñchamant a zo en ti-kêr peogwir eo bet dilennet kalz tud nevez. Kentin Le Priol, e karg eus ar brezhoneg, en o zouez.

Evit poent ne fell ket da Gentin Le Priol lakaat e vicher skolaer e skol Diwan Kerfeunteun da gostez. "An digoll a vez roet d'an dilennidi n'eo ket trawalc'h evit bevañ ha gwelloc'h e-giz-se peogwir e c'hellomp chom staget ouzh ar pemdez ha chom staget ouzh buhez ar brezhoneg p'emaon skolaer e brezhoneg. Gallout a rafen goulenn un darn-amzer ma vez ezhomm. Met ma fal din-me zo klask chom leun-amzer memestra. War-lerc'h ne vint ket ma-unan da gas da-benn al labour zo d'ober".