"Dindan gevrat gant an Deskadurezh Stad", petra dalv ?
Evit gwir, kerkent ha bet krouet ur skol Diwan e vez heuliet programmoù ofisiel an Deskadurezh Stad hag an danvezioù zo an hevelep re hag e forzh peseurt skol unyezhek e Bro C’hall. Tapet o deus ar skolaerien an diplomoù ret hag ensellet int evel o c’henseurted eus ar c’helenn publik ha prevez. Er skol e vez degemeret bugale peseurt bennak vefe o orin, o soñj o relijion ha se zo ul lodenn eus pennaennoù krouiñ ar rouedad evel an digousted hag al laikelezh.
E 1994 pa oa François Bayrou mnistr an Deskadurezh Stad e oa bet roet d’ar skolioù Diwan evel skolioù all dre soubidigezh ar rouedad Eskolim ar statdud skol dindan gevrat. Seitek vloaz en deus ranket Diwan gortoz hag evit an Euskariz ez eo 25 bloaz ! Betek 2013 e oa ret gortoz 5 bloaz mont en-dro ar skolioù a-raok gellout goulenn gant ar Stad lakaat anezho dindan gevrat kevredigezhel.
> Gouzout hiroc’h war ar c’helenn dindan gevrat, war lec’hienn an Deskadurezh Stad
