Kenstrivadeg helavar Gwened Tolpad-kêrioù

Dalc'het e vo ur genstrivadeg helavar er skolaj-lise Diwan ar Morbihan d'ar Merc'her 5 a viz Even da 6e noz. Ur raktres kaset gant ar liseidi e kenlabour gant Vannes Agglomération ha kevredigezh Paysages de Mégalithes eo. Ar liseidi zo aet da welet peulvennoù ar Bono hag Enez Arz e miz Ebrel. Pal ar genstrivadeg eo lakaat da anaviñ ar glad 'zo tro-dro ha lakaat war-wel ar brezhoneg.

Digor eo ar genstrivadeg da dud ag an diavaez ivez. Pedet int da gemer perzh pe da vouezhiñ evit ar brezegenn o deus kavet gwelloc'h. Bout vo ur c'huzul ag ar re fur e lec'h ma vo ur skiantour, ur c'helenner war ar brezhoneg, un arkeologer, dilennidi ha renerez Paysages de Mégalithes. Ar priziadennoù vo filmet gant KUB.

Titouroù ouzhpenn diwar-benn ar genstrivadeg helavar war ar liamm-mañ : https://view.genial.ly/660bc82d3ba08700143f6752/interactive-content-ligne-du-temps-visualisation-des-donneeshttps://view.genial.ly/660bc82d3ba08700143f6752/interactive-content-ligne-du-temps-visualisation-des-donnees

Evit kaout resisadurioù e c'hellit mont e darempred gant ar skolaj-lise ivez :

skolaj-lise.gwened@diwan.bzh

02 97 62 60 80